آئی فون 8 متعارف کرانے کی تاریخ سامنے آگئی

iPhone 8 Photo & Release Date

رواں سال کے شروع میں ایسی اطلاعات سامنے آئی تھیں کہ آئی فون ایٹ اس بار معمول کے مطابق ستمبر میں سامنے نہیں آسکے گا بلکہ 2018 میں اسے پیش کیا جائے گا۔

تاہم اب ایپل کے اس نئے مکمل ری ڈیزائن اسمارٹ فون کی تاریخ رونمائی تو سامنے نہیں آئی مگر یہ ضرور پتا چل گیا ہے کہ یہ ستمبر کے پہلے عشرے میں متعارف کرایا جاسکتا ہے۔

رپورٹس کے مطابق آئی فون ایٹ ، سیون ایس اور سیون ایس پلس ماڈلز کے ساتھ ستمبر میں متعارف کرایا جائے گا۔

تاہم اسے فروخت کے لیے پیش کرنے میں ضرور تاخیر ہوسکتی ہے جس کی وجہ سپلائیز کی شارٹیج ہے اور ممکنہ طور پر یہ فون دسمبر کے آخر یا 2018 کے شروع میں صارفین کے ہاتھوں میں ہوگا۔

ایپل کے نئے آئی فونز تین رنگوں میں سامنے آسکتے ہیں، بلیک، سلور اور گولڈ۔

رپورٹ کے مطابق نئے فونز تیز چارجنگ کی صلاحیت سے لیس ہوں گے جس کے لیے یو ایس بی سی پورٹ پہلی بار ایپل کی ڈیوائسز کا حصہ بن سکتی ہے جبکہ ممکنہ طور پر وائرلیس چارجنگ سپورٹ بھی دی جائے گی۔

اس سے پہلے رپورٹس اور لیکس میں یہ بات سامنے آچکی ہے کہ آئی فون 8 لگ بھگ بیزل لیس ڈسپلے کے ساتھ ہوگا جبکہ ہوم بٹن کو ختم کردیا جائے گا۔

یہ ایپل کا سب سے مہنگا فون بھی ہوگا جو کہ 1200 ڈالرز (ایک لاکھ 26 ہزار پاکستانی روپے سے زائد) سے 1400 ڈالرز (ایک لاکھ 47 ہزار پاکستانی روپے سے زائد) تک کا ہوسکتا ہے۔

واضح رہے کہ گزشتہ سال آئی فون سیون کی قیمت 649 جبکہ آئی فون سیون پلس کی 749 ڈالرز تھی اور انہیں سب سے مہنگے آئی فونز قرار دیا گیا تھا۔